Бүгін Абай Құнанбайұлының 180 жылдық мерейтойына орай Қаныш Сәтпаев атындағы №2 жалпы орта білім беретін мектепте XXVI қалалық Абай оқулары өткізілді.

Бүгін Абай Құнанбайұлының 180 жылдық мерейтойына орай Қаныш Сәтпаев атындағы №2 жалпы орта білім беретін мектепте XXVI қалалық Абай оқулары өткізілді. Сайысқа қала мектептерінен 60-тан астам оқушы қатысып, 6 номинация бойынша өз өнерлерін ортаға салды. Сайысқа қатысушы дарынды оқушылар қазақ әдебиетіне, дана Абай шығармашылығына деген құрмет сезімін көрсетіп, әртүрлі номинация бойынша бақ сынады.
Абай оқуларына қаламыздан арнайы қонақтар келді. Іс-шараға білім бөлімі басшысының міндетін атқарушы М. Амирханова, республикалық «Абай» журналының редакторы, республикаға белгілі ақын марқұм Мұратбек Оспановтың жары қатысты.
"Жүйріктен жүйрік озар жарысқанда" жас дарындар номинациясы бойынша мектебіміздің 8 "А" сынып оқушысы Бағдатова Наргиз 3-орынды иеленді.
Игі шара "Бұлақ көрсең, көзін аш" деген халық даналығына сай жас дарын иелерін танытып, шығармашылық қабілеттерінің ашылуына, танылуына үлкен үлес қосты.
XXVI Абай оқулары жоғары деңгейде ұйымдастырылып, әрбір жеке тұлғаның жүрегіне отансүйгіштік сезім мен халық руханиятына деген құрметтің қалыптасуына ықпал етті.